てぃんさぐぬ花

てぃんさぐぬ花や
爪先（ちみさち）に染（す）みて
親（うや）ぬ寄事（ゆしぐとう）や
肝（ちむ）に染（す）みり

天（てぃん）ぬ群（むり）星（ぶし）や
読（ゆ）めば読（ゆ）まりしが
親（うや）ぬゆしぐとうや
読（ゆ）みやならん

夜（ゆる）走（は）らす船（ふに）や
子（に）ぬ方（ふあ）星（ぶし）目当（みあ）てぃ
我（わん）ん生（な）ちぇる親（うや）や
我（わん）どぅ目当（みあ）てぃ

宝玉（たからだま）やてぃん
磨（みが）かにば錆（さび）す
朝（あさ）夕（ゆ）肝（ちむ）磨（みが）ち
浮（うち）世渡（ゆわた）ら

誠（まくと）する人（ひと）や
後（あと）や何時迄（いちまでぃ）ん
思（う）む事（くと）ん叶（かな）てぃ
千代（ちゆ）ぬ栄（さか）い

なしば何事（なにぐとぅ）ん
なゆる事（ぐとぅ）やしが
なさぬ故（ゆい）からどぅ
ならぬ定（さだ）み